एनआरएनए एसिया प्यासिफिक सम्मेलनमा भाग लिन प्रमुख विपक्षी दलका नेता भीष्मराज आङदेम्बे सहित सांसदहरु चीन गएका छन्।
आगामी १५ देखि १७ अगस्टसम्म चीनको ग्वाङ्झाउमा हुने सम्मेलनको लागि आङदेम्बे सहित एमाले प्रमुख सचेतक ऐन महर,कांग्रेसका प्रमुख सचेतक बासना थापा,नेकपा प्रमुख सचेतक युवराज दुलाल,रास्वपा सांसदहरु जगदीश खरेल र मनिष झा तथा राप्रपा प्रमुख सचेतक खुश्बु ओली चीन गएका हुन्।
सम्मेलन भोलिदेखि १७ अगस्टसम्म चीनको ग्वाङ्झाउस्थित क्राउन प्लाजा ग्वाङ्झाउ सिटी सेन्टर होटलमा हुनेछ।
सम्मेलनमा व्यापार तथा लगानी, एनसिसी सुदृढीकरण, सुरक्षित वैदेशिक रोजगार, नेपाली नागरिकताको निरन्तरता, पर्यटन प्रवर्द्धन, महिला तथा युवा सशक्तीकरण र एनआरएनएको पुनर्ब्रान्डिङ लगायत विषयमा छलफल हुनेछ।
१६ अगस्टमा ‘ग्वाङ्झाउ घोषणापत्र २०२६’ जारी गर्दै सम्मेलन समापन गरिनेछ भने १७ अगस्टमा सहभागीका लागि छिंगयुआनस्थित गुलोङ गोर्ज ग्लास ब्रिजको अवलोकन भ्रमण आयोजना गरिने आयोजकले जनाएको छ।
