नेपाली काङ्ग्रेसले महाधिवेशन प्रतिनिधिमा दलितलगायत समुदायको अनिवार्य प्रतिनिधिको सुनिश्चितता गरेको छ।
जनसंख्या कम भएकोले १६५ प्रतिनिधिसभा निर्वाचन क्षेत्रमध्ये १८ वटा क्षेत्रमा दलित समुदायबाट महाधिवेशन प्रतिनिधिमा शून्य हुने अवस्थापछि नेपाल दलित संघलगायतले विरोध गरेका थिए।
अब वडादेखि महाधिवेशन प्रतिनिधिसम्म दलित समुदायबाट प्रत्येक क्षेत्रमा कम्तीमा एक जना महाधिवेशन प्रतिनिधि हुने गरी सुनिश्चित भएको हो।
काङ्ग्रेसले मधेसी, थारु, मुस्लिम, अल्पसंख्यक र अपांगता भएका व्यक्तिमध्येबाट पनि महाधिवेशन प्रतिनिधि सुनिश्चित गरेको मुख्यसचिव कृष्णप्रसाद पौडेलले बताए।
काङ्ग्रेसमा एक प्रतिनिधिसभा क्षेत्रबाट २५ जना महाधिवेशन प्रतिनिधि आउँछन्।
