प्रधानमन्त्री शेरबहादुर देउवाले भारतको ७५ औं स्वतन्त्रता दिवसका अवसरमा शुभकामना दिएका छन्।
ट्वीटरमार्फत् उनले समकक्षी नरेन्द्र मोदीलाई शुभकामना व्यक्त गरेका हुन्।
‘स्वतन्त्रता दिवसको अवसरमा भारतीय प्रधानमन्त्री नरेन्द्र मोदी र जनतालाई हार्दिक अभिनन्दन। भारतको प्रगतिका लागि मेरो शुभकामना,’ प्रधानमन्त्री देउवाको ट्वीट छ।
उनले नेपाल र भारतबीचको सम्बन्ध थप मजबुत हुने विश्वास राखेको पनि बताएका छन्।
स्वतन्त्रता दिवसको अवसरमा दिल्लीको लालकिल्लामा सम्बोधन गर्दै भारतीय प्रधानमन्त्री मोदीले आगामी २५ वर्षभित्र मुलुकलाई विकसित राष्ट्र बनाइने बताएका छन्।
‘देशका नौजवानहरुलाई आगामी २५ वर्ष मुलुकको विकासमा योगदान गर्न म अनुरोध गर्दछु,’ उनले भनेका छन्।
भारतको विकासका निम्ति मोदीले पाँच प्रणको अवधारणा समेत अघि सारेका छन्।