ट्राफिक प्रहरीको चेकिङमा परी एक सय १४ जना कलेजका विद्यार्थीहरू कारबाहीमा परेका छन्।
बुधबार गरिएको ट्राफिक प्रहरी चेकिङमा एक सय १४ जना कलेजका विद्यार्थीहरू कारबाहीमा परेको काठमाडौं उपत्यका ट्राफिक प्रहरी कार्यालयले जानकारी दिएको छ।
कलेजका विद्यार्थीहरूको सुरक्षालाई मध्यनजरमा राख्दै कार्यालयले ट्राफिक चेकजाँच अभियान सञ्चालन गरेको छ।
कारबाहीमा परेका ४८ जनाको सवारी चालक अनुमती पत्र नभएको, ४२ जनाले आवश्यक कागजपत्र साथमा नराखी सवारी साधन चलाएको, ११ जनाले लापरवाहीका साथ सवारी साधन चलाएको प्रहरीले जनाएको छ।
यस्तै आठ जनाले तीब्र गतिमा सवारी चलाएको, तीन जनाले हेलमेट नलगाएको र तीन जना सवार गरी हिँडेका दुई जना चालकलाई ट्राफिक प्रहरीले कारबाही गरेको जनाइएको छ।
1633497388.jpg)
