सिद्धार्थ बैंकले सोमबार सातै प्रदेशमा विभिन्न कार्यक्रम आयोजना गरी विश्व वातावरण दिवस मनाएको छ।
बैंकले स्वच्छ वातावरण निर्माणमा सघाउ पुर्याउने उद्देश्यले उक्त कार्यक्रम आयोजना गरेको बताएको छ।
यस दिवसको अवसरमा विभिन्न स्थानहरूमा सरसफाई तथा वृक्षारोपण कार्यक्रम, कर्मचारीबीच टिकटक प्रतियोगिता, पुन: प्रयोग गर्न सकिने कटन ब्याग वितरण र 'नो प्रिन्ट डे' जस्ता कार्यक्रमहरू आयोजना गरेको थियो।
बैंकले वृक्षारोपण तथा सरसफाई कार्यक्रम अन्तर्गत देशका सातै प्रदेशमा कुल ५८१ वटा बोटबिरुवाहरू रोप्नुका साथ(साथै विभिन्न सार्वजनिक स्थानहरुमा सरसफाई कार्यक्रम समेत आयोजना गरेको थियो।
यस्ता कार्यकहरूले वातावरणको संरक्षण, मानव स्वास्थ्य सुधार र दिगो विकासमा महत्वपूर्ण योगदान पुर्याउने बैंकले विश्वास राखेको छ।
बैंकले वातावरण संरक्षणका निम्ति 'से नो टु प्लास्टिक' नारालाई अवलम्बन गर्दै बैंकको आधिकारिक टिकटक पेजमा 'बिट प्लास्टिक पोलुसन' विषय राखी समाजमा वातावरण संरक्षण सम्बन्धी जनचेतना फैलाउन कर्मचारीबीच टिकटक प्रतियोगिता सम्पन्न गरको थियो।
त्यस्तै यही नारालाई सार्थक बनाउने उद्देश्यका साथै बैंकले पुनस् प्रयोग गर्न सकिने कटन ब्याग पनि आफ्ना शाखाहरूमार्फत वितरण गरेको थियो।
साथै वातावरण संरक्षणलाई थप टेवा पुर्याउन बैंकले सो दिनलाई 'नो प्रिन्ट डे' पनि घोषणा गरेको थियो।
बैंकले १९५ वटा शाखा, २२० वटा एटिएम र ५ वटा एक्सटेन्सन काउन्टरबाट ग्राहकलाई बैंकिङ सेवा प्रदान गर्दै आएको छ।
बैंकले विभिन्न सामाजिक कार्यहरूमा सहभागिता जनाउँदै आएको र आगामी दिनहरूमा पनि यस्ता सामाजिक कार्यहरूलाई सधैं आफ्नो उच्च प्राथमिकतामा राखी निरन्तरता दिँदै जाने उद्देश्य राखेको छ।
-copy-1745411477.jpg)
-1746009348.jpg)
