बुधबार नेपाल स्टक एक्सचेञ्ज (नेप्से) मा दोल्ती पावर र भुगोल इनर्जी डेभलपमेन्ट कम्पनीको आइपिओ सूचीकृत भएका भएको छ।
दोल्ती पावरको सर्वसाधारणको लागि निष्कासन गरेको (वैदेशिक रोजगारीमा रहेको नेपाली, सामूहिक लगानी कोष, स्थानीय बासिन्दाहरू र कर्मचारीहरू सहित) १६ लाख ९ हजार ४५८ कित्ता र संस्थापक सेयरधनीहरूलाई लगानी गरेको ३७ लाख ५५ हजार ४०२ कित्ता सेयर गरी कुल ५३ लाख ६४ हजार ८६० कित्ता सेयर नेप्सेमा सूचीकृत भएको हो।
यस्तै, यस्तै भुगोल इनर्जीको ५४ लाख ४० हजार ५३४ कित्ता आइपिओ नेप्सेमा सूचीकृत भएको छ।
कम्पनीले सर्वसाधारणको लागि निष्कासन गरेको (वैदेशिक रोजगारीमा रहेको नेपाली, सामूहिक लगानी कोष, स्थानीय बासिन्दाहरू र कर्मचारीहरू सहित) १६ लाख ३२ हजार १६० कित्ता र संस्थापक सेयरधनीहरूले लगानी गरेको ३८ लाख ८ हजार ३७४ कित्ता सेयर गरी कुल ५४ लाख ४० हजार ५३४ कित्ता सेयर सूचीकृत गरेको हो।
नेप्सेले दोल्ती पावरको पहिलो कारोबारको लागि न्यूनतम ८७ रुपैयाँ देखि २६१ रूपैयाँ र भुगोल इनर्जीको न्यूनतम ६७ रुपैयाँ ६३ पैसादेखि २०२ रुपैयाँ ८९ पैसासम्म ओपनिङ रेन्ज तोकेको छ।
सोही रेञ्जमा रहेर बिहीबारदेखि दुबै कम्पनीको सेयर कारोबार खुला हुनेछ।
नेप्सेले कम्पनीको वास्तविक नेटवर्थको तीन गुणासम्म पहिलो कारोबारको लागि मूल्य रेञ्ज तोक्ने गर्छ।
दोल्ती पावरको 'डिओएलटिआई' र भुगोल इनर्जीको 'बिइडिसी' संकेतमा सेयर कारोबार खुला हुनेछ।
त्यस्तै, सूचीकरणपछि दिनुपर्ने आरटिएस सेवा एनआइसी एशिया क्यापिटल बबरमहलबाट हुने समेत दुबै कम्पनीले जानकारी दिएका छन्।
.JPG)
-copy-1745411477.jpg)
-1746009348.jpg)
