माछापुच्छ्रे बैंक र दिव्यानी इन्टरनेसनल नेपालबीच व्यवसायिक सहकार्य गर्ने सम्झौता भएको छ।
केएफसीलगायतका आउटलेट दिव्यानी इन्टरनेसनल नेपालबाट सञ्चालित छ। केएफसीसँगै क्रिमबेल र पिज्जा हटका आउटलेट पनि दिव्यानी इन्टरनेसनलबाट सञ्चालित छन्।
सम्झौता अनुसार बैंकका ग्राहकहरूले दिव्यानी इन्टरनेशनलमा आवद्ध भएका केएफसी, क्रिमबेल र पिज्जा हट आउटलेटहरुमार्फत खानाका परिकार अर्डर गर्दा क्युआर वा पोस मेसिनमार्फत डेबिटरक्रेडिट प्रयोग गरी डिजिटल भुक्तानी गर्दा दैनिक पहिलो कारोबारमा १० प्रतिशत (बढीमा १८० रुपैयाँ) सम्म क्यासब्याक पाउन सक्ने बैंकले बताएको छ।
डिजिटल कारोबारलाई प्रवर्द्धन गर्ने उद्देश्यका साथ ग्राहकको सुविधाका लागि उक्त क्यासब्याक योजना जेठ २५ गतेदेखि असार २६ गतेसम्म लागू गरिने बैंकको भनाइ छ।
बैंकले देशका ७ वटै प्रदेशमा १६५ शाखा, १२ एक्सटेन्सन काउन्टर, १३३ शाखारहित बैंकिङ सेवा, २०४ एटिएममार्फत १४ लाखभन्दा बढी ग्राहकहरूलाई बैंकिङ सेवा प्रदान गर्दै आइरहेको छ।