सनराइज बैंकले विभिन्न विद्यालयहरूमा प्याड एटिएम प्रदान गरेको छ।
बैंकले महिला स्वास्थ्य र महिलाहरूको सशक्तिकरणको लागि विद्यालयमा अध्ययनरत छात्राहरू तथा कार्यरत महिलाहरूलाई लक्षित प्याड एटिएम प्रदान गरेको छ।
हाल विद्यालयमा व्यवस्थित शौचालय र सेनिटरी प्याडको व्यवस्था नहुँदा उनीहरू विद्यालय जान हिचकिचाउने गरेको देखिन्छ।
यसै समस्यालाई अध्ययन गरी बैंकले विभिन्न विद्यालयहरूमा अटोमेटेड प्याड भेन्डिङ मेसिन प्रदान गरेको हो।
एउटा सिक्का हाल्दा एउटा प्याड आउने ब्याट्री ब्याकअप सहितको उक्त मेसिनले छात्राहरू तथा विद्यालयमा कार्यरत महिलाहरूलाई आवश्यक पर्दा सजिलै प्याड लिन सकिने वातावरणको सिर्जना हुने बैंकले बताएको छ।
बैंकले आज एक कार्यक्रमकाबीच काठमाडौंको शान्ति विद्यागृह माध्यमिक विद्यालय, लैनचौरमा एक थान प्याड एटिएम र एक थान प्याड डिस्पोजल मेसिन हस्तान्तरण गरेको हो।
बैंकका सहायक महा प्रबन्धक हरि प्रसाद आचार्यले, सिएसआर प्रमुख सुमन थापा र कान्तिपथ शाखा प्रमुख अनिल महर्जनको उपस्थितीमा विद्यालयका प्रधानाध्यापक शिव कुमारी बराल घिमिरेलाई उक्त सामान हस्तान्तरण गरेका हुन्।
साथै बैंकले ललितपुर एकान्तकुनास्थित महेन्द्र भृकुटी माध्यमिक विद्यालयमा पनि सो मेसिन हस्तान्तरण गरेको छ।
यसैगरी देशका विभिन्न ठाउँमा प्याड एटिएम प्रदान गर्ने क्रममा बैंकले मोलुङ्ग, किन्जा, डुम्रे, देउराली, बाग्लुङ्ग, वालिङ्ग, कावासोती, बर्दिवास, तेह्रथुम, विरेन्द्रनगर लयागतका ठाउँहरूमा उक्त मसिनहरू हस्तान्तरण गरिसकेको बताएको छ।
-copy-1745411477.jpg)
-1746009348.jpg)
