सानिमा बैंकले ग्राहकका लागि अनलाइन बैंक ग्यारेन्टी (जमानत) सेवाको सुरुवात गरेको छ।
यो सुविधा अन्तर्गत ग्राहकहरूले बैंकको आधिकारिक वेबसाइटमा उपलब्ध अनलाइन पोर्टलमार्फत बैंक ग्यारेन्टी (जमानत) को आवेदन दिन सक्नेछन्।
त्यसपछी बैंक ग्यारेन्टी प्रक्रिया पूरा भएको सूचना आवेदकले इमेलमार्फत प्राप्त गर्नेछन्।
उक्त सूचना प्राप्त गरेपछि सम्बन्धित व्यक्तिले सक्कल आवेदन सहित बैंकको काउन्टरबाट बैंक ग्यारेन्टी (जमानत) संकलन गर्ने व्यवस्था मिलाइएको बैंकको भनाइ छ।
आवेदनमा कुनै समस्या भएमा कारणसहित इमेलमार्फत समयमै सूचना पठाइनेछ।
यस प्रविधिबाट ग्राहकहरूलाई छिटो, छरिटो र झन्झटरहित सेवा प्रवाह गर्न मद्दत पुग्ने बैंकले विश्वास गरेको छ।
बैंककोे सातै प्रदेशमा १३२ वटा कार्यालयहरू र १२३ वटा एटिएम सञ्जालहरू रहेका छन्।
-1746009348.jpg)
