विदेशी मुद्राको सञ्चिति वृद्धि भएसँगै राष्ट्र बैंकले आयात खुकुलो बनाएको छ।
सोमबार विदेशी विनिमय सम्बन्धमा जारी भएको एकीकृत परिपत्रअनुसार राष्ट्र बैंकले आयात केही खुकुलो बनाएको हो।
परिपत्रअनुसार आयातकर्ताले अब ६० हजार अमेरिकी डलरसम्मको (सोमबारको दरमा करिब ८० लाख रूपैयाँ) प्रतीत पत्र (एलसी) खोल्न पाउने भएका छन्।
यसअघि एकपटकमा ५० हजार अमेरिकी डलर (सोमबारको दरमा करिब साढे ६६ लाख रूपैयाँ) भन्दा धेरै रकमको एलसी खोल्न नपाउने व्यवस्था थियो।
भारतबाट हुने आयातको यस्तो सीमा भने तीन करोड रूपैयाँसम्म छ।
रेमिटेन्स भित्रिने दर बढ्दै गएपछि अहिले ११ महिनाभन्दा धेरैको आयात धान्ने विदेशी मुद्राको सञ्चिति छ।
यसअघि रेमिटेन्सले ६ महिनासम्मको मात्रै आयात धान्ने अवस्था भएपछि आयातमा कडाइ गरिएको थियो।
-1746009348.jpg)
