साताको पहिलो कारोबार दिन अर्थात् आइतबार नेप्से परिसूचक दोहोरो अंकले बढेको छ।
यसदिन नेप्से १४.८१ अंकले बढेर २०८०.८६ बिन्दुमा पुगेको छ।
आइतबार नेप्से परिसूचकसँगै कारोबार रकम पनि अघिल्लो दिनको तुलनामा बढेको छ।
गत कारोबार दिन २ अर्ब १५ करोड ६५ लाख ८३ हजार ९४५ रुपैयाँको सेयर कारोबार भएकोमा यस दिन उक्त रकम बढेर ३ अर्ब १ करोड ८४ लाख ६० हजार ५१२ रुपैयाँ पुगेको छ।
यस दिन २७१ वटा धितोपत्रको ९७ लाख १८ हजार ७५४ कित्ता सेयर किनबेच भएको हो।
आइतबार थ्री स्टार हाइड्रोपावरको सेयरमूल्य सर्वाधिक १० प्रतिशतले बढेको छ।
उक्त कम्पनीको सेयर मूल्य २८० रुपैयाँ ५० पैसा पुगेको छ।
यस्तै, अपर स्याङ्गे हाइड्रोपावरको सेयरमूल्य ९.९८ प्रतिशतले बढेर प्रतिकित्ता मूल्य २७८ रुपैयाँ ९० पैसा कायम भएको छ।
सेयर मूल्य सर्वाधिक घट्नेमा घोराही सिमेन्ट रहेको छ। उक्त कम्पनीको मूल्य ९.९९ प्रतिशतले घटेर प्रति कित्ता मूल्य ५०९ रुपैयाँमा सीमित भएको छ।
यस्तै, अभियान लघुवित्तको सेयर मूल्य ७.१८ प्रतिशतले घटेर प्रतिकित्ता मूल्य ७२४ रुपैयाँमा झरेको छ।
आइतबार नेपाल इन्स्योरेन्सको संस्थापक सेयरको सर्वाधिक कारोबार भएको छ।
उक्त कम्पनीको प्रतिकित्ता ३६६ रुपैयाँमा ५८ करोड ४५ लाख बराबरको सेयर कारोबार भएको हो।
सर्वाधिक सेयर खरिद–बिक्री हुने दोस्रो कम्पनीमा घोराही सिमेन्ट रहेको छ। उक्त कम्पनीको प्रतिकित्ता ५०९ रुपैयाँमा २३ करोड १५ लाख रुपैयाँ बराबरको सेयर कारोबार भएको छ।
त्यस्तै, आज कारोबारमा आएका १३ वटा समूहगत परिसूचकमध्ये वित्त, उत्पादन तथा प्रशोधन, लघुवित्त र अन्य समूहको परिसूचक घटेको छ भने बाँकी सबै समूहको परिसूचक बढेको छ।
यसदिन निर्जीवन बीमा समूहको परिसूचक सर्वाधिक २.२१ प्रतिशतले बढेको छ।
यस्तै, होटल्स तथा पर्यटन समूहको परिसूचक १.८७ प्रतिशत र बैंकिङ समूहको परिसूचक १.०७ प्रतिशतले बढेको छ।
-1746009348.jpg)
