नेपाल टेलिकमको गत आर्थिक वर्ष २०७९/८० मा खुद मुनाफा ७.८६ प्रतिशतले घटेर ७ अर्ब ८० करोड ४५ लाख २६ हजार रुपैयाँमा सीमित भएको छ।
कम्पनीको आर्थिक वर्ष २०७८/७९ मा नाफा ८ अर्ब ४७ करोड ७ लाख ३३ हजार थियो।
सस्तो दरका डाटा प्याकेजहरू बढ्दै गएको कारण ओटिटी सेवा प्रयोगले कम्पनीको अन्तरआबद्धता आम्दानी ६८ करोडले कम भएको छ।
कर्मचारी खर्चमा भएको वृद्धि, मौसमको प्रतिकुल असरले गर्दा विद्युत आपूर्ति तथा मर्मतसम्भार कार्य समयमा हुन नसकेकोले साइटहरू समयमा सञ्चालन हुन नसकेकोले पनि आम्दानी प्रभाव परेको कम्पनीले उल्लेख गरेको छ।
कम्पनीको कुल आय ४९ करोड ३६ लाख १६ हजार रुपैयाँ (अर्थात् १.११ प्रतिशत) ले वृद्धि भएर ४४ अर्ब ८६ करोड ८२ लाख ७३ हजार रुपैयाँ पुगेको छ।
कुल सञ्चालन आय भने २.९४ प्रतिशतले कमी भएर ३६ अर्ब ८० करोड ३९ लाख ३० हजार रुपैयाँमा सीमित भएको छ।
तर, रोमिङ सेवाको बढ्दो प्रयोगको कारण आम्दानी २२ करोड ४६ लाख वृद्धि भएको, विदेशी विनिमय दरमा भएको परिवर्तनको कारण २२ करोड २४ लाख रुपैयाँ नाफा भएको छ।
-1746009348.jpg)
