जग्गा विकास, निर्माण इभेन्ट म्यानेजमेन्टको साथै रियल सेक्टरमा नियमित लगानी गर्दै आएको कम्पनी आरकेडी होल्डिङ्स लिमिटेडले पाँच अर्ब रुपैयाँ पुँजी पुर्याउने भएको छ।
कम्पनीको विशेष साधारण सभामार्फत कम्पनीको अधिकृत पुँजी पाँच अर्ब पुर्याउने प्रस्ताव पारित गरेको कम्पनीले जनाएको छ। यो प्रस्ताव पारित गरेसँगै कम्पनीको जारी पुँजी तीन अर्ब ५१ करोड रुपैयाँ कायम हुने भएको छ।
जसमध्ये प्रवर्द्धकहरूले दुई अर्ब ११ करोड रुपैयाँ चुक्ता गर्नेछन् भने प्रारम्भिक सार्वजनिक निष्कासन आइपिओ गरी एक अर्ब ४० करोड रुपैयाँमा प्रिमियम मूल्य थप गरी पुँजी चुक्ता गरी सक्ने नीति कम्पनीको साधारण सभाले पारित गरेको छ।
कम्पनीले लगानीको क्षेत्र व्यवस्थापन गर्नको लागि टुरिजम इन्भेष्टमेन्ट फण्ड लिमिटेड, पर्यटन र केवलकार क्षेत्र जोड्न बन्दीपुर केवलकार एण्ड टुरिजम लिमिटेड र पञ्चासे केवलकार एण्ड टुर्स लिमिटेडलाई प्रवर्द्धन गरी सकेको छ।
ती कम्पनीको साहायक कम्पनीका रूपमा इ–कमर्शको बजार बसाउनको लागि बिजबजार लिमिटेड, थप केवलकारहरू निर्माणको लागि बुढी माँ छिम्केश्वरी दर्शन प्रा.लि, रिक्रियशनको लागि बन्दिपुर स्काइवाक एण्ड रिक्रिएसन प्रा.लि, सिद्ध गुफा रोपवे प्रा.लि, बन्दीपुर बैंक्वेट एण्ड इभेन्ट्स प्रा.लि प्रवर्द्धन गरी सकेको छ।
आरकेडी होल्डिङ्स लिमिटेड स्वदेश र प्रवासमा रहेका चार हजार माथिको संख्याका युवाहरूले प्रवर्द्धन गरेको कम्पनी हो।
-1746009348.jpg)
