हिमालयन बैंकले कनेक्ट आइपिएससँगको सहकार्यमा मोबाइल बैंकिङ प्रयोगकर्ताहरूका लागि ‘फण्ड ट्रान्सफरमा मोबाइल फोन हातमा’ अफर सार्वजनिक गरेको छ।
यस अफर अन्तर्गत दुई जना भाग्यशाली मोबाइल बैंकिङको प्रयोगकर्ताले हिमालयन बैंकको मोबाइल बैंकिङ एचआइ–एमबि एपबाट अन्तर बैंक फण्ड ट्रान्सफर गर्दा १ थान स्मार्टफोन जित्न सक्नेछन्।
यो अफर भदौ १ गतेदेखि ३१ गतेसम्म लागु हुने बैंकको भनाइ छ।
मोबाइल बैंकिङ एपबाट फण्ड ट्रान्सफर गर्ने दुई जना प्रयोकर्ताहरूलाई अफरको अन्त्यमा लकी ड्र मार्फत् बिजेता छनोट गरिनेछ। उक्त बिजेताको घोषणा हिमालयन बैंकको आधिकारीक सामाजिक सञ्जालमा प्रकाशन गरिनेछ।
फण्ड ट्रान्सफर तथा विभिन्न भुक्तानीका निम्ति मोबाइल बंैकिङको बढ्दो प्रयोग र लोकप्रियतालाई यस अफरले बैंकका ग्राहकहरूलाई फण्ड ट्रान्सफरमा आधारित सेवाहरू लिन थप प्रोत्साहन गर्ने विश्वास गरिएको छ।
एचआइ–एमबिको फण्ड ट्रान्सफर रिटेल पेमेन्ट स्विच/कनेक्ट आइपिएसको च्यानल प्ल्याट्फर्ममार्फत् हुने गरेको छ र उक्त माध्यमबाट फण्ड ट्रान्सफर गर्न कनेक्ट आइपिएसमा छुट्टै रजिष्ट्रर गर्न आवश्यक नरहेको बैंकको भनाइ छ।
आर्थिक वर्ष २०७९/८० मा यस च्यानलमार्फत् १ करोड ४७ लाख रुपैयाँभन्दा बढी भुक्तानी भइसकेको छ। मोबाइल बैंकिङमार्फत् प्रयोगकर्ताहरुले प्रति कारोबार प्रति दिन दुई लाख रुपैयाँसम्मको मात्र गर्न सक्नेछन्।
हिमालयन बैंकको एचआइ–एमबि एपमा हाल एक लाख ७० हजारभन्दा बढी मोबाइल बैंकिङ प्रयोगकर्ताहरू रहेको बैंकको भनाइ छ।
-1746009348.jpg)
