साताको कारोबारको दोस्रो दिन सोमबार सेयर बजार सामान्य अंकले बढेको छ। तीन दिनदेखि निरन्तर घटेको नेप्से परिसूचक सोमबार ७ अंकले बढेको हो।
आज नेप्से परिसूचक ७.०४ अंकले बढेर १९६७.८३ बिन्दुमा बन्द भएको छ। नेप्से बढेपनि कारोबार रकम घटेको छ। आइतबार १ अर्ब १८ करोड ६६ लाख १८ हजार ४१० रुपैयाँ कारोबार भएकोमा यस दिन १ अर्ब ९ करोड ९१ लाख रुपैयाँ कारोबार भएको छ।
नेपाल स्टक एक्सचेन्जका अनुसार यस दिन २७० वटा धितोपत्रको ३४ लाख ३२ हजार २७६ कित्ता सेयर किनबेच भएको हो।
आज दुईवटा कम्पनीको सेयर सकरात्मक सर्किटको लेभलमा बढेको छ। थ्री स्टार हाइड्रोपावर र डोल्टी पावर कम्पनीको सेयर सकरात्मक सर्किट लेभलमा कारोबार भएको हो। थ्री स्टारको सेयर मूल्य १० प्रतिशत र डोल्टीको ९.९९ प्रतिशतले बढेको हो।
सेयर मूल्य सबैभन्दा धेरै घट्नेमा लिवर्टी इनर्जी रहेको छ। उक्त कम्पनीको सेयर मूल्य ९.९८ प्रतिशतले घटेको छ। त्यस्तै आइएमए लाइफ इन्स्योरेन्स, शिवम सिमेन्ट, नबिल बैंकको सबैभन्दा धेरै कारोबार भएको छ।
आज कारोबारमा आएका १३ उपसमूहमध्ये १२ उपसमूहको परिसूचक बढेको छ। एक उपसमूहको परिसूचक भने घटेको छ। व्यापार उपसमूहको परिसूचक सर्वाधिक १.०६ प्रतिशत बढेको छ। अन्य उपसमूहहरूको वृद्धिदर भने १ प्रतिशतभन्दा कम रहेको छ।
कारोबारमा आएको वित्त उपसमूहको परिसूचक यस दिन ०.०२ प्रतिशत घटेको छ।