मंगलबार नेप्से परिसूचक ६.४५ अंकले घटेको छ।
यसदिन नेप्से ०.३२ प्रतिशतले घटेर १९६१.३७ बिन्दुमा बन्द भएको छ।
लगातार तीन दिनदेखि घटेको सेयर बजार सोमबार भने ७ अंकले बढेको थियो। तर, उक्त वृद्धि एकदिन पनि टिक्न नसकेको हो।
मंगलबार नेप्से परिसूचकसँगै कारोबार रकम पनि अघिल्लो दिनको तुलनामा घटेको छ।
गत कारोबार दिन १ अर्ब ९ करोड ९१ लाख रुपैयाँको सेयर कारोबार भएकोमा यस दिन उक्त रकम घटेर ७९ करोड ६८ लाख ७० हजार ४०८ रुपैयाँमा सीमित भएको छ।
यस दिन २७७ वटा धितोपत्रको २४ लाख ८० हजार ९२९ कित्ता सेयर किनबेच भएको हो।
मंगलबार एनएमबी माइक्रोफाइनान्सको सेयरमूल्य सर्वाधिक १० प्रतिशतले बढेको छ।
उक्त कम्पनीको सेयर मूल्य ५६१ रुपैयाँ पुगेको छ।
यस्तै, नेरुडे लघुवित्तको सेयर मूल्य ९.८५ प्रतिशतले बढेर प्रति कित्ता मूल्य ६४७ रुपैयाँ ९० पैसा कायम भएको छ।
सेयर मूल्य सर्वाधिक घट्नेमा आरबिबी म्युचुअल फण्ड–२ रहेको छ। उक्त योजनाको इकाइ मूल्य १० प्रतिशतले घटेर प्रति इकाइ मूल्य ८ रुपैयाँ ५० पैसा कायम भएको छ।
यस्तै, लिवर्टी इनर्जीको सेयर मूल्य ९.९८ प्रतिशतले घटेर प्रति कित्ता मूल्य १६४ रुपैयाँ १० पैसामा सीमित भएको छ।
मंगलबार हिमालयन एभरेष्ट इन्स्योरेन्सको सर्वाधिक कारोबार भएको छ।
उक्त कम्पनीको प्रतिकित्ता ४१२ रुपैयाँ १० पैसामा ७ करोड ५८ लाख बराबरको सेयर कारोबार भएको हो।
यो मूल्य अघिल्लो दिनको तुलनामा ९.७५ प्रतिशत घटेको हो।
सर्वाधिक सेयर खरिद–बिक्री हुने दोस्रो कम्पनीमा साल्ट ट्रेडिङ कर्पोरेशन रहेको छ। उक्त कम्पनीको प्रतिकित्ता ५ हजार ४२४ रुपैयाँमा २ करोड ९५ लाख रुपैयाँ बराबरको सेयर कारोबार भएको छ।
त्यस्तै, आज कारोबारमा आएका १३ वटा समूहगत परिसूचकमध्ये उत्पादन तथा प्रशोधन र व्यापार समूहको परिसूचक ०.३८ र ०.४६ प्रतिशतले बढेको छ भने बाँकी सबै समूहको परिसूचक घटेको छ।
यसदिन होटल्स तथा पर्यटन समूहको परिसूचक सर्वाधिक ०.७९ प्रतिशतले घटेको हो।
-1746009348.jpg)
