एभरेष्ट बैंक लिमिटेडले संस्थागत सामाजिक उत्तरदायित्व अन्तर्गत विभिन्न परोपकारी कार्यहरू गर्दै आइरहेको छ।
बैंकले शिक्षा, स्वास्थ, दैवी प्रकोप व्यवस्थापन, वातावरण संरक्षण, संस्कृतिक प्रवर्द्धन, दुर्गम क्षेत्रमा पूर्वाधार सुधार, सामाजिक रूपले पिछडिएका वर्गको आय आर्जन, वित्तीय साक्षरता, ग्राहक संरक्षण सम्बन्धी कार्यक्रम गर्दै आएको छ।
यस पटक बैंकले सामाजिक उत्तरदायित्व अन्तर्गत मानव सेवा आश्रम गोरखालाई पाँच लाख रूपैयाँ आर्थिक सहयोग गरेको छ। बैंकका प्रमुख कार्यकारी अधिकृत सुदेश खालिङले सो आश्रमका गण्डकी प्रदेशका संयोजक मुना लामालाई उक्त रकम बराबरको चेक हस्तान्तरण गरेका हुन्।
चेक हस्तान्तरण कार्यक्रममा बैंकका प्रमुख कार्यकारी अधिकृत खालिङले बैंकको यस सहयोगबाट आश्रममा आश्रित बेसहारा, असहाय, अशक्त, अभिभावकविहीन, शारिरीक तथा मानसिक रूपमा अति कमजोर सडक आश्रित मानिसहरूको उद्धार, उपचार र पालनपोषणमा थप टेवा पुग्ने कुरा उल्लेख गरेर।
आश्रमका गण्डकी प्रदेशका संयोजक मुना लामाले एभरेष्ट बैंकको उक्त सहयोगले आश्रममा आश्रित सम्पूर्ण मानिसहरूले अझ सुलभ सेवा लाभ लिन सक्ने कुरा उल्लेख गरिन्।
सो कार्यक्रममा बैंकका तर्फबाट बजार तथा संस्थागत निक्षेप विभाग प्रमुख पुष्प राज उप्रेती, बैंकका गण्डकी प्रदेशका प्रादेशिक प्रबन्धक सुधिर गौतम, बैंकका गोरखा शाखाका शाखा प्रबन्धक सन्दिप खत्री र आश्रमका संयोजक इश्वर काजी मास्केको समेत उपस्थिति थियो।
बैंकले हाल नेपालभर रहेको आफ्नो १२७ शाखा कार्यालय, ३ एक्सटेन्सन काउन्टर, ७ प्रादेशिक कार्यालय, १६२ एटिएम सहित विश्वव्यापी नेटवर्कबाट अत्याधुनिक मोबाइल, इन्टरनेट र एसएमएस बैकिंग सुबिधा प्रदान गर्दै आएको छ।
-1746009348.jpg)
