साताको अन्तिम कारोबार दिन अर्थात् बिहीबार नेप्से परिसूचक ४४.३४ अंकले बढेको छ।
यसदिन नेप्से २.२३ प्रतिशतले बढेर २०२९.७८ बिन्दुमा बन्द भएको छ।
बिहीबार नेप्से परिसूचकसँगै कारोबार रकम पनि अघिल्लो दिनको तुलनामा बढेको छ।
गत कारोबार दिन १ अर्ब १७ करोड ६६ लाख ८० हजार ७५७ रुपैयाँको सेयर कारोबार भएकोमा यस दिन उक्त रकम बढेर ३ अर्ब २९ करोड ३९ लाख २१ हजार ३६८ रुपैयाँ पुगेको छ।
यस दिन २७८ वटा धितोपत्रको १ करोड १२ लाख ६४ हजार ३०९ कित्ता सेयर किनबेच भएको हो।
बिहीबार नौ वटा कम्पनीको सेयर मूल्य सर्किट लेभलमा बढेको छ।
यसदिन नेशनल हाइड्रोपावर, दिव्यश्वरी हाइड्रोपावर, स्वाभिमान लघुवित्त र हिमाल दोलखा हाइड्रोपावरको सेयर मूल्य १० प्रतिशतले बढेको छ।
यस्तै, मन्दाकिनी हाइड्रोपावर, थ्री स्टार हाइड्रोपावरको सेयर मूल्य सेयर मूल्य ९.९९ प्रतिशत र न्यादी हाइड्रोपावर, खानीखोला हाइड्रोपावर र अरुण काबेली पावरको मूल्य ९.९८ प्रतिशतले बढेको छ।
सेयर मूल्य सर्वाधिक घट्नेमा एनआइबिएल ग्रोथ फण्ड रहेको छ।
उक्त योजनाको इकाइ मूल्य ४.०७ प्रतिशतले घटेर प्रति इकाइ मूल्य ७ रुपैयाँ ७७ पैसामा सीमित भएको छ।
यस्तै, अभियान लघुवित्तको सेयर मूल्य ३.९८ प्रतिशतले घटेर प्रति कित्ता मूल्य ७०० रुपैयाँ कायम भएको छ।
बिहीबार सन नेपाल लाइफ इन्स्योरेन्सको सर्वाधिक कारोबार भएको छ।
उक्त कम्पनीको प्रतिकित्ता ४७० रुपैयाँमा २० करोड १८ लाख बराबरको सेयर कारोबार भएको हो।
यो मूल्य अघिल्लो दिनको तुलनामा १.०९ प्रतिशत घटेको हो।
सर्वाधिक सेयर खरिद–बिक्री हुने दोस्रो कम्पनीमा रिलायबल नेपाल लाइफ इन्स्योरेन्स रहेको छ। उक्त कम्पनीको प्रतिकित्ता ४८४ रुपैयाँ २० पैसामा १३ करोड ९६ लाख रुपैयाँ बराबरको सेयर कारोबार भएको छ।
त्यस्तै, आज कारोबारमा आएका १३ वटा समूहगत परिसूचकमध्ये सबै समूहको परिसूचक बढ्दा समग्र नेप्से बढेको हो।
यसदिन जलविद्युत समूहको परिसूचक सर्वाधिक ५.३१ प्रतिशतले बढेको हो।
यस्तै, वित्त समूहको परिसूचक ४.३८ प्रतिशतले बढेको छ।
-1746009348.jpg)
