नेपाल रेमिट इन्टर्नेशनल प्रा.लि.नेपाल क्लियरिङ्ग हाउसमा आबद्ध भएको छ।
नेशनल पेमेन्ट्स इन्टरफेस (एनपिआइ)को प्रयोग गरेर रेमिटेन्स कारोबारहरु सिधै लाभग्राहीको बैंक खातामा जम्मा हुनेगरी सुविधा दिन अप्रत्यक्ष सदस्यको रुपमा नेपाल रेमिट आवद्ध भएको हो।
यो व्यवस्थासँगै नेपाल रेमिटका सानो मूल्यका भुक्तानी कारोबारहरु कनेक्ट आइपिएस इ-पेमेन्ट प्रणालीमार्फत् रियल टाइममा तुरुन्तै भुक्तानी गर्न सकिनेछ।
साथै अन्तरबैंक विद्युतीय भुक्तानी प्रणाली एनसिएचएल- आइपिएसमार्फत् तोकिएको समय सिमामा मध्यम र ठूलो मुल्यका भुक्तानी कारोबारहरु गर्न सकिनेछ।
यस आबद्धतासँगै नेपाल रेमिटको बैंक खातामा आधारित रेमिटेन्स भुक्तानी सम्बन्धी सेवा प्रवाहमा उलेख्य सुधार आउने विश्वास गरिएको छ।