कविता
होइन भगवान कुलमान हेर
मानव नै हो उहाँ पनि ।
अन्धकार बाट मुक्ति दिलायो
तर चमत्कारी भगवानै बनी ॥
प्रकाश दिए चौबिसै घण्टा हेर
चकित पारे जनतालाई पनि ।
मान्न थाले जनताहरूले तब
ठानी कुलमान भगवान सरी ॥
आए होला कति भ्रष्टहरू हेर
फकाउन मिलेर खाऊँ भनि ।
सम्झाए होला दुष्टहरूलाई
नचुस देशको रगत भनि ॥
होइन भगवान कुलमान हेर
मानव नै हो उहाँ पनि...
संस्थान रहेछ डुब्नै आँटेको
ऋणै ऋणको समुन्द्र बनि ।
लगायो किनार चारै वर्षमा हेर
उहाँले त्यो संस्थानलाई पनि ॥
पीडित थियौं जनताहरू यहाँ
लोडसेडिङ हट्छ कहिले भनि।
बाँडे सबलाई उज्यालो हेर
बटुल्दै ममताको ताली पनि ॥
होइन भगवान कुलमान हेर
मानव नै हो उहाँ पनि...
खटेर उहाँले रातदिन हेर
देश नै झिलिमिली बनायो।
डटेर उहाँले चारै वर्षमा हेर
जनतालाई मोहित बनायो ॥
कोटीकोटी धन्यवाद उहाँलाई
गर्नु भयो धेरै दुःख र सामान।
छ जनताहरूको दिने चाहना
दोस्रो कार्यकालको शुभकामना॥
होइन भगवान कुलमान हेर
मानव नै हो उहाँ पनि ।
अन्धकार बाट मुक्ति दिलायो
तर चमत्कारी भगवानै बनि ॥
.JPG)
-1746009348.jpg)
