राष्ट्रपति विद्यादेवी भण्डारी पाँच दिने राजकीय भ्रमणका लागि म्यानमार प्रस्थान गरेकी छन्।
म्यानमारका राष्ट्रपति यु विन मिन्टको निमन्त्रणामा भण्डारी म्यानमारतर्फ प्रस्थान गरेकी हुन्।
विमानस्थलमा उपराष्ट्रपति नन्दबहादुर पुन, प्रधानमन्त्री केपी शर्मा ओली, रक्षामन्त्री ईश्वर पोखरेल, गृहमन्त्री रामबहादुर थापालगायतले उनलाई बिदाई गरेका थिए।
त्यहाँ उनले राष्ट्रपति मिन्टसँग दुई पक्षीय भेटवार्ता गर्नेछिन्। साथै, स्टेट काउन्सिलर आङ साङ सुचीसँग भेटवार्ता गर्नेछिन्।
राष्ट्रपति भण्डारीले म्यानमारमा रहेका नेपाली मूलका नागरिकहरूलाई भेट गर्ने कार्यक्रम रहेको छ।
उनीसँगै परराष्ट्रमन्त्री प्रदीप कुमार ज्ञवाली, परराष्ट्र सचिव म्यानमार प्रस्थान गरेका छन्।
तस्बिरहरू : नारायण महर्जन/सेतोपाटी