नेकपा एमालेको स्थायी कमिटी बैठक अनिश्चितकालका लागि स्थगित भएको छ।
पार्टी एकताका लागि खनाल-नेपाल पक्षका नेतासँग वार्ता चलिरहेकाले पार्टीभित्र अहिले केही सिरियस कुरा भइसकेको भन्दै परिस्थिति हेरेर पुनः बैठक राखिने नेता सुवास नेम्बाङले जानकारी दिए।
उनले पार्टीमा केही नबिग्रदासम्म सकारात्मक नै हुने भन्दै अहिलेसम्म सकारात्मक रहेको प्रतिक्रिया दिए।
यसअघि बुधवारको बैठक बिहीबारसम्मलाई स्थगित भएको थियो।
आजै खनाल-नेपाल पक्षले पनि केन्द्रीय कमिटी बैठक राखेपछि ओली पक्षकले अबको परिस्थिति हेरेर बैठक बस्नेगरि अर्को सूचना नभएसम्मका लागि बैठक स्थगित गरिएको हो । बैठक अर्को सूचना नभएसम्मका लागि स्थगित भएको नेता नेम्बाङले सेतोपाटीलाई जानकारी दिए।
बैठक आज अपरान्ह ४ बजेका लागि तोकिएको थियो। यसअघि आजै पार्टीले कारवाही गरिसकेका व्यक्तिले बोलाएको अनधिकृत बैठकमा सहभागी नहुन केन्द्रीय सदस्यहरुलाई चेतावनीसमेत दिएको थियो।