प्रदेश नम्बर १ का मुख्यमन्त्री भीम आचार्यले विश्वासको मतको लागि प्रस्ताव पेश गर्ने भएका छन्।
शुक्रबार उनले प्रदेश सभामा प्रस्ताव पेश गर्न लागेका हुन्।
कार्यव्यवस्था तथा परामर्श समितिको बैठकले शुक्रबार संसदमा विश्वासको मतको लागि प्रस्ताव पेश गर्ने निर्णय गरेको हो। यद्यपी मतदान भने आइतबार मात्रै हुने भएको छ।
बागमती प्रदेशमा विश्वासको मत लिने दिन कात्तिक १० सम्म धकेल्न सफल भएसँगै नेकपा एमालेले प्रदेश १ मा पनि त्यही प्रयासमा जुटेको थियो।
शुक्रबारका लागि आह्वान भएको प्रदेश १ को प्रदेशसभा बैठकमा विश्वासको मत टेबल हुनैपर्ने संवैधानिक बाध्यता छ।
त्यसैले आजको सदनमा प्रस्ताव पेश गरेपनि मतदान आइतबारमात्रै गर्न लागेको हो।
विपक्षी दलका नेताहरूले भने आजै मतदान हुनुपर्ने माग गर्दै आएका थिए।
यो पनि: बागमतीपछि प्रदेश १ मा पनि मतदान मिति धकेल्ने प्रयासमा सत्तारूढ एमाले
