नेकपा (एमाले) का अध्यक्ष केपी शर्मा ओली र विश्व बैंक दक्षिण एसियाका क्षेत्रीय उपाध्यक्ष मार्टिन रेजरबीच शिष्टाचार भेट भएको छ।
बालकोटस्थित ओली निवासमा दुई जनाबीच आइतबार भेटवार्ता भएको हो।
भेटमा उपाध्यक्ष रेजरले नेपालको पर्यावरण, कृषि र वनजंगल तथा भित्री सहरलाई व्यवस्थित गर्नका निम्ति सहयोग गर्न विश्व बैंक तयार रहेको बताएका छन्।
करिब एक घण्टाको भेटमा अध्यक्ष ओलीले नेपालको राजनीतिक, आर्थिक, सामाजिक र वित्तीय क्षेत्रमा देखिएका चुनौतीलाई पन्छाएर नेपालमा विकासको वातावरण बनाउनका निम्ति एमाले निरन्तर लाग्ने बताए।
भेटमा एमाले उपमहासचिव विष्णु रिमाल, कन्ट्री डाइरेक्टर फेरिस हदाद जर्भोज पनि सहभागी थिए।
