नेपाली कांग्रेसका नेताहरूले श्रमदान गरेर भूकम्पपीडितका लागि अस्थायी टहरा निर्माण गरेका छन्।
महामन्त्रीद्वय गगन थापा र विश्वप्रकाश शर्मा र केन्द्रीय सदस्य गोविन्दराज पोखरेललगायत नेताहरूले जाजरकोटको नलगाड नगरपालिका वडा नम्बर १ चिउरीमा टहरा निर्माणमा श्रमदान गरेका छन्।
आफूहरूले जाजरकोटका भूकम्पपीडितका लागि अस्थायी टहरा निर्माणमा सहयोग गरेको केन्द्रीय सदस्य पोखरेलले बताए।
कांग्रेस केन्द्रीय कार्यसम्पादन समिति बैठकले भूकम्पको केन्द्र जाजरकोटलगायत क्षेत्रको स्थलगत अवलोकनसहित विभिन्न काम गर्न महामन्त्रीद्वय थापा र शर्माको संयोजकत्वमा समिति गठन गरेको थियो।
कात्तिक १७ गते जाजरकोट केन्द्र भई भूकम्प जाँदा जनधनको क्षति भएको थियो।
तस्बिरहरू:
तस्बिर सौजन्य: गोविन्दराज पोखरेल र सबिनराज मुडभरी।
