नेकपा (एमाले) का महासचिव शंकर पोखरेलले कन्टेन्ट आधारित नियमन नै अराजकता र छाडापन रोक्ने उपयुक्त बाटो भएको बताएका छन्।
मन्त्रिपरिषद्को टिकटक बन्द गर्ने निर्णयप्रति टिप्पणी गर्दै उनले नियमनमा जोड दिन आग्रह गरेका हुन्।
मन्त्रिपरिषद्को सोमबारको बैठकले टिकटकमा सामाजिक सद्भाव बिथोलिने किसिमका सामग्री उत्पादन हुन थालेको भन्दै बन्द गर्ने निर्णय गरेको थियो।
‘नियमनकारी कानुन बनाउँदा विरोध गर्ने तर नियमनका नाममा छनोट आधारित प्लेटफर्म नै बन्द गर्ने कुरा उचित भएन है। अराजकता र छाडापनका लागि कुनै एक प्लेटफर्मको मात्र प्रयोग भएको छ वा हुन्छ भन्ने कुरा सत्य होइन। कन्टेन्ट आधारित नियमन नै अराजकता र छाडापन रोक्ने उपयुक्त बाटो हो। ध्यान देऊ,’ उनले सामाजिक सञ्जाल फेसबुकमा लेखेका छन्।
