प्रतिनिधि सभाको सार्वजनिक लेखा समितिले कोभिड-१९ का बेला ओम्नीमार्फत् स्वास्थ्य मन्त्रालयले खरिद गरेका सामग्रीको विवरण माग गरेको छ।
प्रतिनिधि सभाका सहसचिव एकराम गिरीले ओम्नीमार्फत् खरिद गरिएका स्वास्थ्य सामग्रीका विवरण माग गरिएको सेतोपाटीलाई बताए।
कोभिड-१९को महामारी सुरू हुँदा स्वास्थ्य मन्त्रालयले प्रतिस्पर्धाबिना ओम्नी कम्पनीमार्फत स्वास्थ्य सामग्री खरिद गरेको थियो।
खोपलगायत सामग्री खरिद गर्दा लागतभन्दा भन्दा बढी मूल्यमा खरिद गरिएको भन्दै आलोचना भएको थियो।
लेखा समितिले ओम्नीमार्फत् खरिद गरिएका सामग्रीबारे छलफल गर्न मन्त्रालयसँग विवरण मागेको हो। ‘विवरण माग गरिएको छ, मन्त्रालयबाट विवरण प्राप्त भइसकेको छैन,’ उनले भने।