नेपाली कांग्रेसका नेता शेखर कोइरालाले नेपालमा भ्रष्टाचार बढेको देखेर विदेशीहरू पनि अचम्मित परेको बताएका छन्।
मोरङको ललियामा शुक्रबार भएको कार्यक्रममा बोल्दै कोइरालाले भने, ‘हिजोआज हरेक विदेशी भेट्दा किन तिम्रो देशमा भ्रष्टाचार हुन्छ भनेर सोध्छन्, के जवाफ दिने? नेपालमा भ्रष्टाचार बढेको देखेर विदेशी पनि अचम्मित छन्।’
कोइरालाले मुलुक भ्रष्टाचारले चुर्लुम्म डुबेको पनि बताए। भ्रष्टाचारमुक्त समाज निर्माण गरिनुपर्नेमा उनले जोड दिए।
‘भ्रष्टाचार अन्त्य नभएसम्म जति भाषण गरे पनि देश विकास हुँदैन,’ उनले भने।
