राष्ट्रिय स्वतन्त्र पार्टीकी सांसद डा. तोसिमा कार्कीले खगेन्द्र नवजीवन केन्द्रले अपांगता भएका व्यक्तिहरूलाई नवजीवन नभई नरक जीवन दिएको बताएकी छन्।
शुक्रबार प्रतिनिधि सभा बैठकको शून्य समयमा बोल्दै सांसद कार्कीले निः शुल्क हुनुपर्ने केन्द्रले एकै परिवारबाट ५५ लाख र विद्यार्थीबाट मासिक ६ हजार उठाएपनि एउटै कोठामा ७/८ जना कोचेर राखिने गरेको बताएकी हुन्।
‘दिसापिसाव गन्हाएको अवस्था छ। धेरै दिनसम्म बाँधेर राखिएको छ। नियमित उपचार छैन। पिसाबथैली पनि समयमा फेरिँदैन रहेछ,’ उनले भनिन्, ‘केन्द्रले ती अपांगता भएका नागरिकहरूलाई नवजीवन होइन नर्क जीवन दिएको रहेछ। सरकारले तत्काल रेस्क्यु कार्यदल बनाएर केन्द्रको व्यवस्थापन जिम्मामा लेओस्। साँच्चै हामीले पाठ्यक्रममा पढाउने गरेको केन्द्र साँच्चै नवजीवन केन्द्र बनोस्।’
केन्द्रलाई सरकारी बजेट, आफ्नै व्यापारिक भवन र दर्जनौं रोपनी जग्गा भएको तर पारदर्शीता नभएको पनि डा. केसीले बताइन्।
