प्रधानमन्त्री पुष्पकमल दाहाल प्रचण्ड शितल निवास जाने भएका छन्।
राष्ट्रपति रामचन्द्र पौडेललाई भेट्न प्रधानमन्त्री दाहाल शितल निवास जान लागेका हुन्।
नयाँ समीकरणबाट संघीय सरकार बनाउने समझदारी बनेपछिको परिस्थितिलगायत विषयमा छलफल गर्न प्रधानमन्त्री राष्ट्रपति निवास जान लागेको स्रोतको भनाइ छ।
‘प्रधानमन्त्रीज्यू राष्ट्रपतिज्यूलाई भेट्न केही बेरमा शितल निवास जाँदै हुनुहुन्छ,’ स्रोतले भन्यो।
आजै नयाँ गठबन्धनबाट सानो आकारको मन्त्रिपरिषद गठन गर्ने तयारीमा प्रधानमन्त्री दाहाल छन्। माओवादी, एमाले, रास्वपा र जसपासहित नयाँ गठबन्धन बनेको छ।
प्रधानमन्त्री दाहाल नयाँ गठबन्धनका शीर्ष नेताहरूसँग बालुवाटारमा छलफल गरेपछि शितल निवास जान लागेका हुन्।
