नवनियुक्त तीन जना मन्त्रीले सोमबार अपराह्न राष्ट्रपति भवन शितल निवासमा शपथ लिएका छन्।
राष्ट्रपति रामचन्द्र पौडेलले नवनियुक्त मन्त्रीहरू नेकपा (एमाले) का पदम गिरी, नेकपा (माओवादी केन्द्र) का हितबहादुर तामाङ र राष्ट्रिय स्वतन्त्र पार्टी (रास्वपा) का डोलप्रसाद अर्याल (डिपी) लाई शपथ गराएका हुन्।
तीन मन्त्रीले शपथ लिए पनि सबै मन्त्रालय प्रधानमन्त्री पुष्पकमल दाहाल प्रचण्डले नै हेर्नेछन्। किनभने सत्ता गठबन्धनभित्र कुन दलले कुन मन्त्रालय लिने भागबन्डा मिलिसकेको छैन।
तीन मन्त्रीलाई पछि मन्त्रालय तोक्ने गरी शपथ खुवाइएको हो।
![Scan_20240304-scaled-1709556003.jpg](https://www.setopati.com/uploads/posts/Scan_20240304-scaled-1709556003.jpg)