नेकपा (एकीकृत समाजवादी) का सम्मानित नेता झलनाथ खनालले नयाँ गठबन्धनबाट औपचारिक प्रस्ताव आए पार्टी सरकारमा सामेल हुन सक्ने बताएका छन्।
उनले गठबन्धनले एकीकृत समाजवादीसँग सम्मानजनक ढंगले वार्ता गर्नुपर्ने पनि बताए।
उनले पार्टीको सचिवालय बैठक बुधबार बिहान बस्ने पनि बताए।
नीतिगत कार्यक्रम, योजना र भिजनमा गठबन्धनले खाका प्रस्तुत गरे सरकारमा जान कुनै समस्या नरहेको खनालको भनाइ छ।
‘हामीसँग पनि वार्ता भयो र एउटा सम्मानजनक ढंगले सहमतिमा जाऔं भन्ने खालका कुरा आयो भने त्यसलाई हामीले अस्वीकार गर्दैनौं,’ खनालले डल्लुस्थित निवासमा मंगलबार भने, ‘यसलाई सकारात्मक ढंगले नै लिन्छौं। तर हामीलाई संलग्न गरिदिनोस् भनेर त्यो याचना गर्न जाँदैनौं।’
उनले पार्टीले वाम एकताको पक्षमा भइरहेको प्रयत्नलाई झनै प्रखर ढंगले अघि बढाउने पक्षमा रहेको बताए।
पछिल्लो राजनीतिक घटनाक्रमले मुलुकलाई संकटबाट जोगाउने आशा आफूहरुमा पलाएको पनि उनले बताएका छन्।
(न्युज एजेन्सी नेपाल)
-ink1687175218.jpeg)
