नेकपा एमालेका उपाध्यक्ष तथा विष्णु पौडेलले सरकारले ल्याएको नीति तथा कार्यक्रमले अलमलिएको विकासलाई ट्र्याकमा ल्याउने बताएका छन्।
आइतबार प्रतिनिधि सभाको बैठकमा सरकारले ल्याएको नीति तथा कार्यक्रममाथि छलफलमा सहभागी हुँदै उनले यो कार्यक्रमले अलमलिएको विकासलाई ट्र्याकमा ल्याउने बताएका हुन्।
यसले सर्वसाधरणमा छाएको निराशा चिर्ने र आशा जगाउने काम गरेको उनको भनाइ छ।
‘मुलुकको विकासको प्रयास अलमलिएको थियो। अलमलिएको विकास प्रयासलाई २०७४ को निर्वाचनपछि देशले सामाजिक आर्थिक, भौतिक र मानवीय विकासका क्षेत्रमा गतिका साथ अगाडि बढेको थियो। त्यस बिचमा रोकिएको थियो,’ उनले भने, ‘त्यसले देशको विकास अलमलियो। यो नीति तथा कार्यक्रमले अलमलिएको विकासलाई ट्राकमा ल्याउने र विकासलाई अघि बढाउने संकल्प गरेको छ।’
नेपाली कांग्रेसले आइतबार बसेको प्रतिनिधि सभाको बैठकमा पनि अवरोध गरेको थियो। अवरोधका बीच नीति तथा कार्यक्रम पारित गरेको थियो। कांग्रेसले वेल नै घेराउ गरी विरोध जनाएको थियो।
मंगलबार दिउँसो १ बजे प्रतिनिधि सभाको बैठक बस्ने तयारी छ। त्यसदिन बजेट भाषण गर्ने सरकारको तयारी छ।