नेपाली कम्युनिस्ट पार्टीका नेता राजेन्द्र श्रेष्ठले कांग्रेस एमालेलाई भोट दिएका कारण कोशीमा पहिचानको पक्षमा परिणाम नआएको बताएका छन्।
सोमबार विराटनगरमा आयोजित पार्टीको एकता सन्देश सभामा बोल्दै नेता श्रेष्ठले पहिचानको संघर्ष लामो समयदेखि चलिरहे पनि परिणाम नआएको बताएका हुन्।
'थारो गाइलाइ दूध दिए जस्तै कांग्रेस एमालेलाई भोट दिएपछि कहाँबाट आउँछ पहिचान? त्यसैले परिणाम आएन। पहिचानको पक्षमा परिणाम आएन,' उनले भने, 'लामो समयदेखि पहिचानको चलिरहेको छ। देशभर अनेकौं सभ्यता छ। सभ्यता केवल नदिनाला र पहाडको होइन। मानव सभ्यता हो। तर, नामकरणमा किन परिणाम दिन सकिएन?'
उनले अब कम्युनिस्ट आन्दोलनको धार नै नेपाली कम्युनिस्ट पार्टी रहेको दाबी गरे।
'नेपालका सबै कम्युनिस्ट आन्दोलनको धार हो। एमालेले नेतृत्व गरेको धार, अर्को जनयुद्धको धार थियो। आज ती सबै धारहरु समेटेर एकै धार बनेको छ। यसको विजय अजेय छ,' उनले भने।
नेता श्रेष्ठले केपी ओलीकै कारण जेनजी आन्दोलन उठेको बताए।
' हिजोका मण्डलेहरुले जे जे गरे अहिले एमाले त्यही गरिरहेको छ। नेपाली कम्युनिस्ट आन्दोलनको मुलधार अब नेपाली कम्युनिस्ट पार्टी नै हो,' उनले भने।
