गण्डकी प्रदेशकै कान्छा जनप्रतिनिधि नेकपा एमालेको महाधिवेशन प्रतिनिधिमा निर्वाचित भएका छन्।
एमालेको ११ औं महाधिवेशनका लागि प्रतिनिधि छनोटको निर्वाचनमा नवलपुर क्षेत्र नम्बर १ बाट इन्जिनियर दीपेन्द्र सुनारी निर्वाचित भएका हुन्।
नवलपुरको बुलिङटार गाउँपालिकाका अध्यक्ष सुनारी गण्डकी प्रदेशका ८५ स्थानीय तहका प्रमुखमध्ये उमेरमा सबभन्दा कान्छा हुन्।
३० वर्षीय सुनारीले त्रिभुवन विश्वविद्यालय अन्तर्गतको थापाथली इन्जिनियरिङ क्याम्पसबाट स्नातक र चीनको हस्ट विश्वविद्यालयबाट पूर्ण छात्रवृत्तिमा मेकानिकल इन्जिनियरिङ गरेका छन्।
गत निर्वाचनमा उनी नेपाली कांग्रेसको पुरानो गढ भत्काउँदै बुलिङटार गाउँपालिकाको अध्यक्षमा निर्वाचित भएका थिए।
आफ्नो शिक्षा, सीप र अनुभवलाई राजनीति तथा स्थानीय विकासमा प्रयोग गर्दै आएको सुनारीले बताए।
-1746009348.jpg)
