नेपाली कांग्रेसले माघ ११ गते हुने राष्ट्रिय सभा चुनाव र फागुन २१ गते हुने प्रतिनिधि सभा चुनावका लागि पार्टीबाट उम्मेदवार प्रस्ताव तथा सिफारिस गर्न परिपत्र गर्ने तयारी गरेको छ।
सोमबार बसेको केन्द्रीय समिति बैठकले राष्ट्रिय सभा र प्रतिनिधि सभा निर्वाचनका लागि उम्मेदवार प्रस्ताव र सिफारिसका लागि पार्टीका सम्बन्धित निकायहरूलाई केन्द्रीय कार्यालयमार्फत परिपत्र गर्ने निर्णय गरेअनुसार केही दिनभित्रै परिपत्र गर्ने तयारी गरिएको नेताहरूले जनाएका छन्।
‘२०८२ माघ ११ गते हुने राष्ट्रिय सभा सदस्य निर्वाचन तर्फको उम्मेदवारीका लागि विधानको धारा ३२ को उपधारा (९) (क) वमोजिम तथा प्रतिनिधि सभा (प्रत्यक्ष र समानुपातिक सदस्यको निर्वाचन तर्फको विधानको धारा ३२ को उपधारा ८ बमोजिमको प्रक्रिया पुन्याई उम्मेदवारको नाम प्रस्ताव र सिफारिस गर्नका लागि पार्टीका सम्बन्धित निकायलाई केन्द्रीय कार्यालय मार्फत स्पष्ट निर्देशन सहितको परिपत्र गर्ने’ निर्णय कांग्रेस केन्द्रीय समितिले गरेको छ।
कांग्रेसमा पार्टीका तल्ला निकायको सिफारिसका आधारमा संसदीय समितिले उम्मेदवार तय गर्ने गर्छ।
-1746009348.jpg)
