नेकपा एमालेको ११औं महाधिवेशनबाट ८ जना नयाँ सदस्यले पदाधिकारीमा प्रवेश पाएका छन्।
बिहीबार सम्पन्न निर्वाचनबाट विभिन्न पदमा ८ जना नयाँ अनुहार पदाधिकारी निर्वाचित भएका हुन्।
विजयी नयाँ पदाधिकारीमा उपाध्यक्ष रघुजी पन्त एक हुन्। उनले १२५८ मत ल्याएका छन्।
त्यस्तै, सचिवमा महेश बस्नेत, शेरधन राई, हिक्मत कार्की, खगराज अधिकारी, यामलाल कँडेल, राजन भट्टराई र भानुभक्त ढकाल पनि पदाधिकारी निर्वाचित नयाँ अनुहार हुन्।
सचिवमा महेश बस्नेतले सबभन्दा बढी १५४४ मत ल्याएका छन् भने शेरधन राईले १५०३, हिक्मत कार्कीले १३३७, खगराज अधिकारीले १२३१, यामलाल कँडेलले ११८५, राजन भट्टराईले ११८१, भानुभक्त ढकालले ११०८ मत ल्याएका छन्।
-1746009348.jpg)
