राष्ट्रिय स्वतन्त्र पार्टी (रास्वपा) को केन्द्रीय कार्यालयमा आइतबार अपरान्ह ४ बजे पार्टी सभापति रवि लामिछानेको सभापतित्वमा बैठक बसेको छ।
बैठकमा रास्वपाका कार्यवाहक सभापति डिपी अर्यालले सभापति रवि लामिछानेको अनुपस्थितिमा पार्टीलाई संगठित र अनुशासित रूपमा सम्हालेको भन्दै उनको नेतृत्व क्षमताको प्रशंसा गरिएको थियो। त्यस्तै पार्टीका विभिन्न तह र तप्कामा रहेर आ–आफ्नो जिम्मेवारी गर्ने सबैप्रति आभार व्यक्त गर्दै धन्यवाद पनि ज्ञापन गरिएको थियो।
बैठकमा बोल्दै रविले पार्टी पंक्तिलाई अहिले उत्साहित हुन सकिने भए पनि उत्सव मनाउने बेला नभएको बताएका थिए।
'अझै धेरै संघर्ष र धेरै जिम्मेवारी बाँकी छ,' उनले भने, 'पार्टीका विभिन्न जिम्मेवारीमा रहनुभएका सबैलाई संयमित र अनुशासित रहन अनुरोध गर्छु।'
बैठकमा उनले भावुक हुँदै कार्यवाहक सभापति अर्याल एक पटक उनलाई भेट्न नख्खु कारागार पुगेको प्रसंग पनि उल्लेख गरे।
उनका अनुसार अर्यालले उनलाई पार्टीको नेतृत्व कार्यवाहकलाई दिएजस्तै कारागार बसाइ पनि कार्यवाहकलाई दिन मिल्दैन भनेर सोधेका थिए।
'मिल्छ भने तपाईंको भागमा म भित्र बस्न तयार छु। देशलाई अहिले तपाईंको खाँचो छ। तपाईं बाहिर जानुस्। त्यस्तो गर्न पाए म तयार छु,' रविले डिपीको भनाइ उद्धृत गर्दै सुनाए।
-1746009348.jpg)
