बालेन शाह झापा–५ मा उम्मेदवार बन्ने तयारी भएपछि राष्ट्रिय स्वतन्त्र पार्टीले उनका लागि भाडामा घर खोज्न थालेका छन्।
रास्वपा झापा अध्यक्ष प्रकाश पाठकका अनुसार दमक–३ स्थित क्याम्पस मोड आसपास दुई वटा घर टुंगो लागिसकेको छ। अर्को एउटा घर पनि खोजिरहेको पाठकले जानकारी दिए।
‘बालेन शाह झापा–५ बाट उम्मेदवार बन्ने भएपछि उनको आवास प्रयोजन, सम्पर्क कार्यालयलाई समेत गरी तीन वटा घर खोजेका हौं। दुइटा टुंगो लागिसकेको छ,’ पाठकले भने।
पाठकका अनुसार रास्वपाका नेता–कार्यकर्तासहित एउटा समूह आज झापा–५ पुग्दैछ।
बालेन चुनाव लड्ने भएपछि उनीनिकट केही इन्फ्लुएन्सरहरूले सर्भेक्षण पनि गरिरहेका छन्। प्रारम्भिक सर्भेक्षण यसअघि पनि गरेको उनीहरूले बताएका छन्। चुनाव लड्ने भएपछि उनले काठमाडौं महानगर मेयरबाट राजीनामा दिने तयारी गरेका छन्।
झापा–५ नेकपा एमाले अध्यक्ष केपी शर्मा ओलीको निर्वाचन क्षेत्र हो। यस क्षेत्रमा ओली २०६४ मा बाहेक पराजित भएका छैनन्।
झापा–५ मा १ लाख ६३ हजार ३७९ जना मतदाता रहेका छन्। त्यहाँ ६१ मतदान स्थल र १८५ केन्द्र तोकिएका छन्।
-1746009348.jpg)
