नेपाली कांग्रेसले आगामी निर्वाचनका लागि घोषणा सार्वजनिक गर्ने मिति परिवर्तन गरेको छ।
कांग्रेसले आइतबार घोषणा पत्र सार्वजनिक गर्ने भनेको थियो।
शनिबार अबेर सूचना जारी गर्दै कांग्रेस प्रवक्ता देवराज चालिसेले आज हुने भनिएको घोषणापत्र सार्वजनिक कार्यक्रम स्थगित भएको जानकारी दिएका हुन्।
निर्वाचन आयोगले दलहरूलाई फागुन ४ गतेभित्र घोषणापत्र बुझाइसक्न भनेको छ।
कांग्रेसले भने ४ गते आयोगलाई बुझाउने र ६ गते मात्रै सार्वजनिक गर्ने तय गरेको प्रवक्ता चालिसेले जारी गरेको विज्ञप्तीमा भनिएको छ।
कांग्रेसले जनकपुरमा घोषणापत्र सार्वजनिक गर्न लागेको हो।
कांग्रेसको मधेस प्रदेश कार्यसमितिले फागुन ६ गते जनकपुरमा सभा गर्दैछ।
सोही सभामा घोषणापत्र सार्वजनिक गरिने कांग्रेसले जनाएको छ।
कांग्रेसले यसपालिको घोषणापत्रलाई प्रतिज्ञापत्र भनेको छ।
-1746009348.jpg)
