जनमत पार्टीका अध्यक्ष सिके राउतले राष्ट्रिय स्वतन्त्र पार्टी (रास्वपा)को प्रथम महाधिवेशनमा प्रधानमन्त्री बालेन्द्र शाहको तारिफ गरेका छन्।
आइतबार चितवनको गेस्ट हाउस चउरमा शुभकामना मन्तव्य दिँदै उनले प्रधानमन्त्री शाहको तारिफ गरेका हुन्।
उनले प्रधानमन्त्री बालेन स्टाइलिस्ट भएको बताउँदै कालो लुगा लगाउन रोक्न माग गर्दै विपक्षीले ऐनकै माग गर्न सक्ने बताएका हुन्।
‘देवानन्दलाई सार्वजनिक स्थलमा कालो लुगा लगाउन निषेध गरेको सुन्थ्यौं। कुनै दिन हाम्रा विपक्षीहरूले सम्माननीयज्यूले कालो लुगा लगाउन निषेध गर्ने ऐन ल्याउनुपर्यो भन्न पनि बेर छैन। तै पनि त्यो भन्दा पनि ठूलो उहाँको माइन्डसेटको सम्मान गर्छु,’ उनले भने।
उनले प्रधानमन्त्री शाहको तारिफकै क्रममा ‘अलग लेभलका बन्दा है’ भनेका हुन्।
उनले मधेसको छोरालाई प्रधानमन्त्री बनाएकोमा धन्यवाद समेत दिए।
‘पौने तीन सय वर्षमा कहिले पनि भएको थिएन। एउटा मधेसीको छोरोलाई प्रधानमन्त्री बनाएर सपना पूरा गर्नुभएकोमा धन्यवाद दिन चाहन्छु। सम्माननीय प्रधानमन्त्रीज्यू पनि स्मार्ट, ड्यासिङ, इन्टिलिजेन्ट र स्टाइलिस। सबैको मनपर्ने, लोकप्रिय हुनुहुन्छ। फेरि उहाँले माइ स्टाइल इज द सिम्प्लेस्ट भन्नुहोला।’
