नेपाली कांग्रेस केन्द्रीय निर्वाचन समितिले मौसमको अवस्था हेरेर असोज १३ गतेभित्र प्रतिनिधि सभा क्षेत्रीय अधिवेशन गरिसक्न निर्देशन दिएको छ।
विभिन्न स्थानमा भइरहेको भारी वर्षाका कारण अधिवेशन प्रक्रियामा कठिनाइ भइरहेको निर्वाचन अधिकृतहरूबाट जानकारी प्राप्त भएकोले थप समय दिइएको समितिले जनाएको छ।
आगामी केही दिन पनि वर्षा कायम रहने र सतर्कता अपनाउन मौसम विभागलगायत विभिन्न निकायले सूचना जारी गरेको अवस्थालाई ध्यानमा राख्दै क्षेत्रीय अधिवेशनका कार्यक्रम असोज १३ गतेभित्र सक्न भनिएको हो।
१५ औँ महाधिवेशनअन्तर्गत वडा अधिवेशन सम्पन्न भइसकेको छ भने गाउँ तथा नगर अधिवेशनहरू जारी छन्। हालसम्म ६६ जिल्लाका ६३० पालिकामा अधिवेशन सम्पन्न भएको जानकारी प्राप्त भएको कांग्रेसले जनाएको छ।
.JPG)
-1746009348.jpg)
