काठमाडौंको बसुन्धरामा केही समयअघि सकेट बम भेटियो। बमको सूचना पाएलगत्तै नेपाली सेनाको बम डिस्पोजल टोली भ्यान लिएर बसुन्धारा पुग्यो। तर बम घरको चार तल्लामाथि थियो।
सेनाले बम बिस्पोजलका रोबर्ट प्रयोग गर्ने गरेको भए पनि भर्याङ चढाएर रोबोट पठाउन सकेन।
बम डिस्पोजलका लागि खटिएको सहसेनानी सविना खड्काको टोलीले हातैले बोकेर चार तल्ला माथिबाट बम ल्यायो। र, सुरक्षित ढंगले डिस्पोज गर्यो।
सेनानी दीक्षा राजभण्डारी बम बिस्पोजलको कामलाई शारिरीक र मानसिक रूपमा चुनौती मान्छिन्।
‘शंकास्पद वस्तु फेला परेको खबर आउनासाथ ५ देखि ७ मिनेटमा हामी बम डिस्पोजका लागि पुग्ने गरेका छौं,’ सेनानी राजभण्डारीले भन्छिन्, ‘बम डिस्पोज गराउने व्यक्तिले मानसिक रूपमा आफूलाइ बलियो पार्नुपर्छ।’
दीक्षा र सविनासँगै सेनाको बम डिस्पोजल कार्यमा महिलाहरूको सहभागिता बढ्दो छ।
पुरूषले बहादुरीका रूपमा अर्थ्याउने बम डिस्पोजलमा सेनाले महिलाहरूलाई पनि खटाउन थालेको छ।
‘यो काम केटाहरूले मात्रै गर्नुपर्छ भन्ने केही पनि छैन। केटाकेटी समान छन्,’ सहसेनानी सविनाले भन्छिन्, ‘बम डिस्पोजलको काममा चुनौती सँगै अवसर पनि छ। हरेक बम नयाँ हुन्छ। नयाँ अनुभव हुन्छ।’
सेनानी दीक्षा तालिम र अनुभवका कारण बम डिस्पोजलको कार्यमा सफलता मिलिरहेको बताउँछन्।
हेर्नस् भिडिओ रिपोर्ट-