ललितपुरको महालक्ष्मी नगरपालिकाले ६० बेडको आइसोलेसन र ३० बेडको आइसियू तयार गरेको छ।
बुधबार नगरपालिकाले किष्ट मेडिकल अस्पतालसँग सहकार्य गरी ६० बेडको आइसोलेसन र ३० बेड आइसियू तयार गरेको हो।
'हामीले कोरोना भाइरसलाई मध्यनजरमा राख्दै आज आइसोलेसन बेड र आइसियू तयार गरेका छौं,' मेयर रामेश्वर श्रेष्ठले भने, 'किष्ट अस्पतालसँग सहकार्य गरेर व्यवस्था गरेका हौं।'
साथै नगरपालिकाले अहिलेसम्म विदेशबाट आएका सबैलाई सेल्फ क्वारन्टाइनमा राखिएको बताएका छन्।
नगरपालिकाभित्र अहिलेसम्म १९ जनालाई सेल्फ क्वारन्टाइनमा राखिएको र नगरपालिकाले स्वास्थ्य अधिकारीहरूको सेवा दिइरहेको मेयर श्रेष्ठले बताएका छन्।
त्यस्तै बिहीबार भने सेल्फ क्वारन्टाइनमा बस्दै आएकालाई डाक्टरसहितको टोलीले जाँच गर्न लागेको बताएका छन्।
