भरतपुर अस्पतालको आइसियूमा उपचाररत् कोरोना संक्रमित पुरुषको मृत्यु भएको छ।
भरतपुर महानगरपालिका वडा नम्बर ७ बस्ने ५५ वर्षीय पुरुषको सोमबार दिउासो १ः२० बजे मृत्यु भएको अस्पतालले जनाएको छ।
मिर्गौला फेल भएर केही समयदेखि डाइलासिस गरिरहेका ती व्यक्तिमा २०७७ असोज ४ गते कोरोना पुष्टि भएको थियो।
खोकी र श्वासप्रश्वासमा समस्या भएपछि उनलाई असोज ७ गते अस्पतालको आइसोलेसन वार्डमा भर्ना गरिएको थियो। स्वास्थ्य अवस्था थप जटिल हुँदै गएपछि असोज ८ गते कोभिड आइसियूमा राखेर उपचार गराउँदै नियमित डाइलासिस समेत गरिएको थियो।
कोरोना संक्रमणबाट अहिलेसम्म चितवनका १९ जनाको मृत्यु भएको छ। मृत्यु हुनेहरु अधिकांश मिर्गौला र निमोनियाका बिरामीहरु छन् ।
-1746009348.jpg)
