राष्ट्रिय स्वतन्त्र पार्टीका वरिष्ठ नेता बालेन शाह आइतबार पहिलो पटक पार्टी कार्यालय पुगेका छन्।
पुस १३ गते रास्वपासँग एकता गरेका बालेन आइतबार दिउँसो हामी नेपालका संस्थापक सुदन गुरूङसहित चःमति पुगेका हुन्।
उनी पुग्दा पार्टी कार्यालय प्रांगणमा कार्यकर्ता र शुभेच्छुकहरूहरूको भिड लागेको थियो।
उनले कार्यालयको प्रांगणसम्मुख राखिएको घन्टी बजाए। त्यसपछि सभापति रवि लामिछानेसँग अंकमाल गरेर सिधै आफ्नो क्याबिनमा पुगे। त्यहाँ केही कागजमा हस्ताक्षर गरेर बालेन निस्किएका थिए।
पहिलो पटक पार्टी कार्यालय पुगेका बालेन १५ मिनेट भन्दा कम समय त्यहाँ बसे।
उनी आजै जनकपुर जाने कार्यक्रम रहेकाले पनि हतारमा देखिएका थिए।
पार्टी कार्यालयबाट उनी सिधै त्रिभुवन विमानस्थल प्रस्थान गरेका थिए।
तस्बिरहरूः
सबै तस्बिर ः नेपाल फोटो लाइब्रेरी।
