गाँजा खाएर ट्रक दुर्घटना गराउने चालक पक्राउ परेका छन्।
महानगरीय प्रहरी प्रभाग नागढुंगाले शनिबार राति साढे ११ बजे काठमाडौंबाट धादिङ जाँदै गरेका ट्रक चालकलाई पक्राउ गरेको हो।
ना ५ ख १८४५ नम्बरका चालकले लापरबाही गरी ट्रक चलाउँदा त्यसले विपरित दिशाबाट आएको ना ५ ख ९२८९ नम्बरको ट्रकलाई ठक्कर दिएको थियो।
त्यसपछि प्रहरीले ना ५ ख १८४५ नम्बरका ट्रक चालक बारा परसौनी गाउँपालिका-४ का २६ वर्षीय लोकेन्द्रकुमार साहलाई पक्राउ गरेको हो।
प्रहरीले उनलाई चन्द्रागिरि नगरपालिका-२ पिपलामोडबाट पक्राउ गरेको डिएसपी घनश्याम श्रेष्ठले जानकारी दिए।
चालकमा अस्वभाविक क्रियाकलाप देखा परेपछि चिकित्सकको निगरानीमा राखिएको थियो। उनले गाँजा सेवन गरे/नगरेकोबारे थाहा पाउन प्रहरीले उनको पिसाब जाँच गर्न लगाएको थियो।
त्यसको रिपोर्ट अनुसार गाँजा सेवन गरेको पाएपछि प्रहरीले उनीविरूद्ध लागू औषध (नियन्त्रण) ऐन २०३३ बमोजिम थप अनुसन्धान अघि बढाएको हो।
-1746009348.jpg)
