काठमाडौं जिल्ला प्रशासन कार्यालयले जेनजी आन्दोलनको क्रममा घाइते भएकालाई दिन थालिएको परिचयपत्र स्थगन गरेको छ।
सोमबार सूचना जारी गर्दै गृह मन्त्रालयले प्रकाशन गरेको घाइतेको सूचीमा भएका घाइते बाहेक पनि परिचयपत्र लिन आएको भन्दै स्थगनको निर्णय गरेको हो।
‘गृह मन्त्रालयको वेबसाइटमा प्रकाशन भएको घाइते नामावलीभन्दा बाहिरका व्यक्तिहरू पनि जेनजी घाइते परिचयपत्र प्रयोजनका लागि आउने क्रम बढ्दो भएकोले यस सम्बन्धमा गृहको निर्देशन लिई निर्णय गर्नुपर्ने भएकाले अर्को व्यवस्था नभएसम्म जेनजी घाइते परिचयपत्र वितरणको कार्य स्थगन भएको व्यहोरा जानकारीको लागि अनुरोध छ,’ विज्ञप्तिमा भनिएको छ।
गृहको निर्देशनमा ७७ वटै प्रशासनबाट घाइतेको परिचयपत्र वितरणको काम हुँदै आएको छ।
-1746009348.jpg)
