कर्णाली पुलबाट हामफाल्दा बेपत्ता युवकको खोजी गर्न गोताखोर परिचालन गरिएको छ।
सशस्त्र प्रहरी बल नेपाल नं. ७ वैद्यनाथ बाहिनी मुख्यालय अत्तरिया कैलालीबाट सशस्त्र प्रहरी नायब निरीक्षकको कमान्डमा गोताखोर परिचालन गरिएको हो।
हाेली पर्वकाे अवसरमा साेमबार दिउँसो चिसापानीस्थित कर्णाली नदीमाथि रमाइलो गर्दै पाैडी खेल्न हाम फालेका १७ जनामध्ये एक जना बेपत्ता भएका हुन्।
बेपत्ता हुनेमा लम्किचुहा नगरपालिका-३ चिसापानी बस्ने अन्दाजी ३० वर्षीय लाेकेन्द्र शाही छन्।
पुलबाट रमाइलो मान्दै फाेटाे सुट गर्दै पाैडी खेल्न नदीमा हाम फालेका उनी बेपत्ता भएका हुन्।
