त्रिभुवन अन्तर्राष्ट्रिय विमानस्थलबाट ५० ग्राम सुनसहित एक जनालाई प्रहरीले पक्राउ गरेको छ।
मंगलबार सिरहाको धनगढीमाई नगरपालिका-११ का २३ वर्षीय पुरूषोत्तम शर्मालाई ५० ग्राम सुनसहित पक्राउ गरिएको एसपी अवदेश विष्टले जानकारी दिए।
उनका अनुसार विमानस्थलको आगमन पार्किङ एरियामा शंकास्पद तरिकाले उभिरहेको अवस्थामा दिउँसो शर्मालाई पक्राउ गरिएको हो।
'पार्किङ एरियाबाट शंकास्पद तरिकारले बसिरहेका थिए,' उनले भने, 'चेकजाँच गर्दा भन्सार छली गरेर ल्याइएको ५० ग्राम सुन फेला परेको हो।'
शर्मालाई विमानस्थल भन्सार कार्यालय गौचर पठाइएको उनले बताए।
1692096363-1693465119.jpg)
